مرحبا بالجميع..
يوجد كورس Frontend متاح بشكل مجاني على موقع Frontend Masters، مدتة حوالي 20 ساعة، وبيغطي HTML, CSS, and JavaScript. بالإضافة للـ Git والتعامل مع موقع Github، وكيفية نشر الموقع أونلاين بشكل مجاني.
أنا هبدأ أتابع الكورس كمراجعة. اللي حابب يذاكره معايا وأساعده في أي جزء مش مفهوم فأنا عملت سيرفر على الـ Discord خاص بالكورس، لتنظيم عملية التفاعل والإجابة عن أي أسئلة.
هنبدأ بمذاكرة جزء الـ HTML and CSS، وهو حوالي 10 ساعات، وفيه مشروع صغير في نهايته للتطبيق. هنحدد مدة الانتهاء من الجزء ده في 10 أيام، بواقع مشاهدة ساعة يوميا من الكورس، وبعد كده ننتقل للموضوع اللي بعده ونحدد له وقت معين، وهكذا حتى ننتهي من الكورس بالكامل.
بعض الملاحظات الهامة:
- الكورس مجاني، ومساعدتنا لبعض هتكون بشكل مجاني بالكامل.
- مدى التقدم في الكورس يعتمد عليك وعلى مدى التزامك بمشاهدة الدروس والتطبيق.
- الكورس متاح على شكل فيديوهات باللغة الإنجليزية، وفيه subtitle بالإنجليزي، ولو مستواك في الإنجليزي أقل من المتوسط، ممكن تشوف الشرح والتطبيق، وتفهم اللي تقدر عليه، وبعدين تسأل عن اللي مش واضح ليك على سيرفر المناقشة.
- الكورس للمبتدئين من الصفر في مجال الـ Frontend، وبالتالي النقاش هيكون في حدود موضوعات المستوى المبتدئ، بدون التطرق لأي موضوعات فرعية أو متقدمة.
اللي حابب يشترك يكتب تعليق علشان أضيفه لجروب المحادثة على الماسنجر اللي هيكون خاص بالكورس.
رابط الكورس:
https://frontendmasters.com/bootcamp
Enregistrer un commentaire